ދިވެހީންގެ އުފެއްދުންތެރިކަމުގެ މައުރަޒު 2026އަކީ ފަންނުވެރިން އެކި ދާއިރާތަކުން އިތުރު ކުރިއެރުން ހޯދުމަށް ލިބުނު ހިތްވަރެއްކަމަށް މައުރަޒުގެ ބައިވެރިން ބުނެއެވެ.
އެ މަަޢުރަޒުން ވަނަތައް ޙާސިލްކުރި ފަރާތްތަކަށް ރޭ އިނާމުދީފައިވާއިރު، އިނާމު ލިބުނު ފަރާތްތަކުން ވަނީ މިފަދަ މަޢުރަޒެއްގެ ސަބަބުން ފަންނާނުންގެ އަގު ވަޒަންކުރެވި އެ ފަރާތްތަކުގެ މަސައްކަތް އާއްމުންނަށް ދައްކާލަން ރަނގަޅު މަންސައެއް ލިބޭކަން ފާހަގަކޮށްފައެވެ.
މުޅި މައުރަޒުން ރަންވަނަ ހާޞިލުކުރި 5 އުފެއްދުން:
• ކްރިއޭޓިވް އާޓްސް އެންޑް ޑިޒައިން ކެޓެގަރީން، މަރިޔަމް ޝަހުމާގެ "މެމޮރީ އޮފް ދަ ޓައިޑްސް"
• ލަކުޑީގެ އުފެއްދުންތައް ކެޓެގަރީން، ޢަބްދުއްރަޝީދު ޙަސަންގެ "ދޯނި"
• ޖުވެލަރީ އެންޑް އެކްސަސަރީޒް ކެޓެގަރީން، އުޝާ އާދަމްގެ "ތުނޑު ކުނާ"
• އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ ކެޓެގަރީން، މުޙައްމަދު ޔާނިއު ރަމީޒުގެ "އަވަސް އެޕް"
• އިމާރާތްކުރުމުގެ ދާއިރާއިން، އާދަމް މަންޞޫރުގެ "ކަޅުވަކަރު މިސްކިތް"
