ވޯލްޑް ކަޕް 2026 ގެ ސެމީ ފައިނަލް ފުރަތަމަ މެޗުގައި ވަރުގަދަ ފްރާންސް ކަޓުވާލައި، ސްޕެއިން ފައިނަލަށް ދަތުރު ކޮށްފިއެވެ.
އެމެރިކާގެ ޑެލަސް ސްޓޭޑިއަމްގައި މިރޭ ކުޅުނު މެޗުގައި ސްޕެއިނުން ފްރާންސް ބަލިކުރީ 2-0 ގެ ނަތީޖާއަކުންނެވެ.
ފުރަތަމަ ކޮޅުގައި ދެޓީމު ހަމަޖެހިލައިގެން ޕާސްތައް ޖަހަމުން ދިޔައީ ސީދާ ޔޫރަޕްގެ ޓެކްޓިކަލް ވިސްނުމުގައެވެ. އެ ގޮތުން މަޑުމަޑުން ހުޅުވެން ފެށީ 15 ވަނަ މިނެޓަށްފަހުއެވެ. ފްރާންސުން ފުރަތަމަ ނުރައްކާ ކުރި އިރު، ޑެމްބެލޭ ދިން ހިތްގައިމު ބޯޅައެއްގައި ކިލިއަން އެމްބާޕޭއަށް ފުރުސަތެއް ތަނަވަސްކުރަން ޖާގަ ލިބުނު ނަމަވެސް، އެންމެ ފަހުވަގުތު ސްޕެއިން ޑިފެންޑަރުން އޭނާއަށް ހުރަސް އެޅިއެވެ.
ހައިޑްރޭޝަން ބްރޭކާ ދިމާލަށް މެޗު ދަނިކޮށް، 20 ވަނަ މިނެޓުގައި ކުއްލިއަކަށް ސްޕެއިން ކޮޅަށް އޮއެވަރު ބަދަލުވިއެވެ. ޔަމާލްއަށް ފްރާންސް ޑިފެންޑަރު ލޫކަސް ޑީން ނޭނގުމެއް ތެރޭގައި ކަހަލަ ގޮތަކަށް ކުރި ފައުލާއެކު އެޓީމަށް ޕެނަލްޓީ ލިބުނެވެ. ސްޕެއިނަށް ޕެނަލްޓީ ކާމިޔާބުކޮށް ލީޑު ނަގައިދިނީ މިކެލް އޮޔާޒަބާލްއެވެ.
އެހިސާބުން ކުއްލިއަކަށް ސްޕެއިން ޔަގީންކަން ލިބުނެވެ. ފްރާންސް އިތުރަށް މާޔޫސްވީ އެޓީމުގެ ޑިފެންޑަރު ވިލިއަމް ސަލީބާއަށް އަނިޔާވެ، ބަދަލުކުރަން ޖެހުމެވެ. މުބާރާތުގެ ތެރެއިން ކުރިންވެސް އަނިޔާގައި އުޅުނު ސަލީބާއަށް އަނިޔާވެ، ބަދަލުގައި ނުކުތީ މެކްސެން ލަކުއާއެވެ.
ހާފު ނިމެން ދިޔަ ވަރަކަށް މެޗު އިތުރަށް ވަރުގަދަވަމުން ދިޔަ އިރު، 38 ވަނަ މިނެޓުގައި ސްޕެއިނުން "ޓިކި ޓަކާ"ގެ ކުޅުމަކާއެކު ނުރައްކާ ކުރިއެވެ. މެދުތެރެއިން ވަން ޓަޗް ޕާސްތަކަކާއެކު ޔަމާލް ދިން ބޯޅައަކުން ޕެނަލްޓީ އޭރިއާ ތެރެއިން ފަބިއަން ރުއިޒް ފޮނުވާލި ހަމަލާ ދިޔައީ ބްލޮކްވެގެން ބޭރަށެވެ.
ދެވަނަ ހާފަށް ފްރާންސް ނުކުތީ ބަދަލަކާއެކުގައެވެ. ފުރަތަމަ ހާފުގައި ރީނދޫ ކާޑު ދެއްކި ރަބިއޯގެ ބަދަލުގައި ކުޅެން ނުކުތީ މަނޫ ކޯނޭއެވެ.
ސްޕެއިންގެ ނުރައްކާ މަޑުމަޑުން ބޮޑުކުރަމުން ގޮސް، 58 ވަނަ މިނެޓުގައި ސްޕެއިނުން ދެވަނަ ގޯލެއް ޖަހައި، ފައިނަލާ ފިޔަވަޅެއް ގާތަށް ޖެހިލިއެވެ. ޕެޑްރޯ ޕޮރޯ އަރިމަތިން ކުރިއަށް އަރައި، ޑެނީ އޮލްމޯއާއެކު ފުރިހަމަ ކުރި ހިތްގައިމު ވަން ޓޫ އަކަށްފަހު އޭރިއާ ތެރެއަށް ވަދެ ބޯޅަ ގޯލަށް ވައްދާލީ ފަސޭހަކޮށެވެ. ޕޯރޯ ވޯލްޑް ކަޕްގައި ޖެހި ދެވަނަ ގޯލެވެ.
އެއާއެކު ސްޕެއިނަށް ލިބުނީ އިތުރު ދިރުމެކެވެ. އެޓީމުގެ ރަސްމީ ގޭމްގައި ކުޅެން ފުރުސަތު ލިބުނެވެ. 61 ވަނަ މިނެޓުގައި ޔަމާލް، އަރިމަތިން ދެމިގަނެ، އޭރިއާ ތެރެއަށް ވަދެ ޑިފެންޑަރު ނައްޓާލުމަށްފަހު ފޮނުވާލި ހަމަލާވެސް ގޯލަށް ވައްދާލި ނަމަވެސް، ރެފްރީ ނިންމީ އޮފްސައިޑް ކަމަށެވެ.
އޭގެފަހުން ފްރާންސްގެ ޕްރެޝަރާ ކުރިމަތިލާން ސްޕެއިންގެ ޑިފެންސުން ތަފާތު މޮޅަށް ކުޅުނު އިރު، އެންމެ ފަހުވަގުތުވެސް އެމްބާޕޭ އޭރިއާ ތެރެއިން ފޮނުވާލި ހަމަލާ މަތަކުރީ ކުކުރެޔާ ބްލޮކް ކޮށްގެންނެވެ. އަދި އޭގެފަހުން ޑެމްބެލޭ ފޮނުވާލި ދެ ހަމަލާވެސް ދިޔައީ ސްޕެއިން ކީޕަރުގެ އަތަށެވެ.
މިރޭގެ ކާމިޔާބީއާއެކު ސްޕެއިނަށް ވަނީ ހިތްދަތި ވޯލްޑް ކަޕް ދަތުރުތަކަކަށް ނިމުން ގެނެވިފައެވެ. 2010 ވަނަ އަހަރުގެ ތަށްޓަށްފަހު 2014 ގައި އެޓީމު ކެޓީ ގްރޫޕް ސްޓޭޖުންނެވެ. އަދި އޭގެފަހުން 2018، 2022 ވަނަ އަހަރުވެސް ސްޕެއިނަށް ގަދަ 16 ފަހަނައަޅައި ދެވިފައެއް ނުވެއެވެ.
ސްޕެއިނުން ފައިނަލުގައި ނުކުންނާނީ މާދަމާ ރޭ އާޖެންޓީނާ އަދި އިންގްލެންޑް ވާދަކުރާ ސެމީ މެޗުން މޮޅުވާ ޓީމަކާ ދެކޮޅަށެވެ.
