ފުލުހަކަށް ވަޅިން ހަމަލާދޭން މަސައްކަތްކުރި މީހަކު ހައްޔަރުކޮށްފިއެވެ.
އޭނާ ފުލުހުންގެ އޮފިސަރަށް ހަމަލާ ދޭން މަސައްކަތްކޮށްފައިވަނީ ހުޅުމާލޭ ފޭސް 1 ގައި ތޫނު އެއްޗެއް ބޭނުންކޮށްގެން ޢާއްމުންގެ މީހަކަށް ހަމަލާ ދޭން އުޅުމުން އޭނާ ހުއްޓުވުމަށް އުޅުމުންކަމަށް ފުލުހުން ވިދާޅުވެއެވެ.
މިމައްސަލައިގައި ހައްޔަރުކޮށްފައިވަނީ ޢުމުރުން 33 އަހަރުގެ ދިވެހި ފިރިހެނެއްކަމަށް ފުލުހުން ވިދާޅުވެއެވެ. އޭނާ ހައްޔަރުކޮށްފައިވަނީ މިރޭ އިރުއޮއްސި 18:30 ހާއިރުގައެވެ.
ފުލުހުން ވިދާޅުވީ މިމައްސަލަ އިތުރަށް ތަހުގީގުކުރަމުންދާކަމަށެވެ.
