އުޒްބަކިސްތާނުގައި ކުރިއަށްދާ 46 ވަނަ ޗެސް އޮލިމްޕިއާޑުގައި ވާދަކުރަމުންދާ ޤައުމީ އަންހެން ރާޒުވާ ޓީމު ރަން މެޑައްޔެއް ހޯދައިފިއެވެ.
ދުނިޔޭގެ ބާއްވާ ބައިނަލްއަޤްވާމީ އެންމެ ބޮޑު ޓީމު މުބާރާތްކަމަށްވާ ޗެސް އޮލިމްޕިއާޑުން ރާއްޖޭގެ ޤައުމީ އަންހެން ޓީމު ރަން މެޑަލް ހޯދާފައިވަނީ "އީ" ކެޓަގަރީގައި ވާދަކޮށްގެންނެވެ. މި ކެޓަގަރީގައި 37 ޤައުމަކުން ވާދަކޮށްފަވާއިރު، ރާއްޖޭން މިމުބާރާތުގައި ވާދަކޮށްފަވާ ޤައުމުތަކުގެ ތެރޭގައި މިސްރު، ޖަޕާން، ކޮންގޯ، ކޮސޯވޯ، އުރުގުއޭ އަދި ހޮންޑިއުރާސް ހިމެނެއެވެ.
މިމުބާރާތުގައި ވާދަކުރަމުންދާ ޤައުމީ އެތުލީޓުން މޮޅު ކުޅުމެއް ދައްކަމުންދާއިރު، މުބާރާތުގެ ތެރެއިން ރާއްޖޭގެ އެއްވަނަ ރާޒުވާ ކުޅުންތެރިޔާ މުޙައްމަދު ޝުޢާއުވަނީ ޗެސް ގްރޭންޑްމާސްޓަރެއްކަމަށްވާ މޮނާކޯގެ އިގޯ އެފިމޮވް ބަލިކޮށް ތާރީޚީ ކާމިޔާބީއެއް ހޯދާފައެވެ.
