ވޯލްޑް ކަޕް – ޔޫރަޕުގެ ޗެމްޕިއަން އިޓަލީ އާއި ނޯތު މެސެޑޯނިއާ ކުޅުނު ޕްލޭއޮފް މެޗުން އެކެއް – ސުމަކުން ބަލިވެ ވޯލްޑް ކަޕަށް ކޮލިފައިވުމަށް ކުރި މަސައްކަތް ނާކާމިޔާބު ވެއްޖެއެވެ. އިޓަލީ ޓީމުން މުޅި މެޗު ކޮންޓްރޯލު ކޮށް ކުޅުނު މެޗުގައި 34 ޝޮޓު ފޮނުވާލި ނަމަވެސް ގޯލަށް އަމާޒު ކުރެވިފައި ވަނީ 5 ޝޮޓެވެ. މިއާ ޚިލާފަށް މެސެޑޯނިއާ އިން 4 ޝޮޓުން 2 ޝޮޓު ގޯލަށް އަމާޒު ކުރި އިރު 92 ވަނަ މިނެޓުގައި ގޯލު ކާމިޔާބުކޮށް ވަނީ ކޮލިފައިންގެ ފަހު ބުރުގައި ޕޯޗުގަލް އާއި ބައްދަލުކުރަން ފުރުސަތު ހޯދާފައެވެ.
މިއީ ޔޫރަޕްގެ ޗެމްޕިއަން ގޮތުގައި ވޯލްޑް ކަޕަށް ކޮލިފައި ނުވި 4 ވަނަ ފަހަރެވެ. މީގެ ކުރިން ވޯލްޑް ކަޕަށް ކޮލިފައި ނުވެ ކަޓާފައިވާ ޔޫރަޕުގެ ޗެމްޕިއަން ޓިމް ތަކަކީ، 1978 ވަނަ އަހަރު ޗެކްސްލޮވޭކޮއާ، 1994 ވަނަ އަހަރު ޑެންމާރކް، 2006 ވަނަ އަހަރު ގްރީސް އަދި މި އަހަރު އިޓަލީއެވެ.
